Shkon në 5 numri i të plagosurve nga atentati brutal në Lushnjë

23:48 | 23 Gusht 2021
Trina Galanxhi

Rritet numri i të plagosurve nga breshëria e plumbave në lokalin në pedonalen e Lushnjes.

Policia njoftoi edhe për dy të plagosur të tjerë, duke e çuar numrin në pesë.

Në vijim të hetimeve, policët kanë gjetur edhe një makinë që dyshohet se u përket atentatorëve që i morën jetën pronarit të lokalit, Bledar Muça, 33 vjeç.

“Në vijim të informacionit paraprak të dhënë për ngjarjen në pedonalen e qytetit Lushnjë, të plagosur jashtë rrezikut për jetën janë edhe shtetaset E. S., 26 vjeç dhe M. Gj., 66 vjeçe.

Në fshatin Thanasaj, Lushnjë, është gjetur i djegur një automjet i cili dyshohet se është i autorëve.
Vijon puna intensive për identifikimin dhe kapjen e autorëve të ngjarjes”, njoftoi policia.

Shpërndaje në rrjete sociale

Lajmet më të lexuara

Të ngjashme

Foto lajm